Riceviamo da Catania questa composizione poetica di un’autrice altre volte presente su Palermoparla online. La pubblichiamo contando di far cosa gradita alla poetessa ed ai lettori che la troveranno interessante.
______________________
Catania – La poetessa Geppina Macaluso, intervenuta più volte su questo giornale con le sue liriche su temi di grande attualità, non è rimasta sorda al grido di dolore che proviene da tutto il mondo, funestato dalla pandemia causata dal coronavirus. Morte e fame e tribolazioni di ogni genere affliggono l’intera umanità. C’è disorientamento nella gente e nei potenti che tentano in tutti i modi di lottare contro l’immane flagello. E’ una poesia impegnata quella che pubblichiamo qui di seguito che dal male assoluto vuole trarre il bene, facendo assurgere il covid-19 a personaggio negativo – “U fitenti”- che però intende dare una lezione di vita a tutti noi, per farci rispettare la natura e per recuperare quello che abbiamo distrutto, nell’affannosa corsa al consumismo e all’affermazione degli interessi personali o degli Stati.
_____________________________
Sugnu u fitenti
Nuddu mi vidi nuddu mi senti
sugnu picciddu picciddu picciddu
quasi impalpabili inconsistenti
ma ô stissu fazzu u dannu c’haju a fari
sugnu u fitenti
M’haju fattu re di tuttu lu munnu
e tegnu ‘n scaccu tutti i potenti
i cumannanti i presidenti
regini e re pi mia su’ nenti
Sugnu u fitenti
Vi portu tutti arrinati a lu lazzu
quannu mâ pensu stringiu lu chiaccu
e tutti ‘nterra comu li pira
‘n on tempu ‘i nenti chî facci ‘i cira
Nun haju confini nun haju frontieri
arrivu a tutti
nuddu mi scappa nenti mi ferma
E comu fazzu?
Appena ‘ncagliu un gran cretinu
c’on un cridi a mia un cridi a nenti
tuttu spaccuni e ‘mpertinenti
un fazzu fatica mancu mi movu
nun m’arriminu
iddu mi porta a tutti li genti
e ju caminu caminu caminu
Unni mi piaci finisci a paci
V’addivirtìti a sfasciari lu munnu
brusciati l’arbuli autri i tagliati
li gran ghiacciai su’ quasi squagliati
tanti armaluzzi ormai su’ spiruti
Nô beddu mari unni natanu i pisci
nata munnizza
munnizza munnizza
e i celi azzurri celesti turchisi
e a notti blu blu
ora unni su’ nun cci nne cchiù
su’ divintati cinniri e fumu
L’estati è ‘mmernu lu ‘mmernu è ‘stati
si chiovi affucati s’un chiovi siccati
Tuttu lu munnu è stravulgiutu
Chiddi ca pônu stannu a guardari
comu su a iddi nenti li tocca
sunu sicuri dî fatti so’
e ognu fa chiddu ca vo’
Cu mia però nun cci arrinesci
nun jè accussi nun dicu a nuddu
Va be’ Signorsì
Troppa ricchizza duna a la testa
e fami e siti dunanu morti
s’un si capìsci è tristi la sorti
Quannu finisciu di darvi a lezioni
e ca vi lassu menzi stuccati
cu stisi ‘nterra cu ‘gnutticati
ca forsi mancu spingiti la testa
rapìti l’occhi guardativi ‘nturnu
taliàti cchi cosa ristò di ‘stu munnu
un gran sfacelu
senza cchiù terra senza cchiù celu
sulu ‘n ammassu di morti di nenti
e riflettiti ‘ncapu li sbagli
gridannu
pirdunu pirdunu pirdunu
sinnò v’arresta di taliàri di nne ‘ncagli
dî vostri gaggi unni siti ‘nfilati
comu li surgi dintra li chianculi
senza respiru tutti ‘ncasati
ora scantati
pregati pregati
tutti cristiani addivintati
Però prima no
Sulu ‘na cosa vi po’ salvari
l’aviti tutti dintra lu cori
basta circarla tirarla fori
Si chiama Amuri
Amuri
Amuri
‘ntra tutti vuj pi la natura
pi Diu Signuri di lu creatu
c’a tutti vuj v’a regalatu
Ed ju scumparu
scumparu scumparu
‘nzina a finìri
finìri finìri
Un vi scurdati ‘sti tristi momenti
si arrè sbagliati n’ on tempu ‘i nenti
ju m’appressentu nun vû scardati
sugnu u fitenti
Geppina Macaluso
