La Santuzza, per la cui festa in “piazza” si contano le ore, è amata in tante parti della Sicilia. A Campofelice Roccella, ad esempio, viene considerata la “Santa Patrona” non meno che nel capoluogo. Da Enna per la dolce ragazza che brillò per virtù e amore di Dio e, poi, salvò, con la sua apparizione nella grotta Palermo dalla peste, ci giunge questa poesia, materialmente inviataci dal nostro amico e corrispondente da Catania Pippo Algozzino. L’autrice è la moglie “Geppina”.
Onuri a Tia
Onuri a Tia
Santa Rosalia
Tutta Palermo
T’adura
e Ti rispetta
di tricentanni e ccà
cu canti e festi
pû sarbamentu
dâ morti
e di la pesti
Principissa
Tu nasci
ricca e bedda
ma lu To’ cori
nun riggìu
a l’Amuri
cu cui
Ti chiamò a Iddu
lu Signuri
E lassi tuttu
ricchizzi
casi
avìri
e
Ti nn’acchiani
ô munti Pellegrinu
pi stari
a lu Tò Diu
cchiù vicinu
e
contemplari
‘mmenzu ô To’ pregari
la luna
i stiddi
u celu
e ’azzurru mari
Sulu ’na grutta
pi dòrmiri
e vigliari
e quarchi filu d’erba
pi campari
Poi
nuddu sa cchiù nenti
dâ To’ vita
E un jornu
chiudi l’occhi
a ’stu caminu
e voli ô celu
ô Sposu To’ divinu
’Na notti
poi
ca un morbu malidittu
pi la città
miteva morti e morti
a ’na fimmina malata
e a un cacciaturi
Tu affacci ’nsonnu
dicennu ’sti paroli
Riposu ’ncapu u munti
ne ’na grutta
purtati li me ossa
’mprucissioni
e ju vi salvu
di ’sta malidizioni
E accussi fu
La genti
quasi morta
si suseva
e appressu a ranni Santa
si nni jeva
E nuddu cchiù
si scorda
di ’st’eventu
’stu gran miraculu
’nturnu lu seicentu
E ancora oggi
’stu populu
è ê To’ pedi
pi ’sta gran grazia
Ti chiama
la Santuzza
pi jorna e jorna
ancora
Ti ringrazia
cu lu Festinu
Di rosi ’mbocciu
hai ’ntesta
’na curuna
pirchì
Tu di Palermu
si’ a Patruna
Geppina Macaluso
poesia tratta da “Azzurrucelu”, Target, Enna, 2002
(Impaginazione e didascalie di Germano Scargiali)
